بحـث
مواضيع مماثلة
المواضيع الأخيرة
مايو 2024
الإثنين | الثلاثاء | الأربعاء | الخميس | الجمعة | السبت | الأحد |
---|---|---|---|---|---|---|
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |
((الجمبري بالفلفل الأحمر ))
صفحة 1 من اصل 1
((الجمبري بالفلفل الأحمر ))
احلي مسا لعيونكم الحلوين معلش اتاخرت عليكم كنت مسافر
شهرتي وصلت لاوباما وبعتلي رساله محتاجينك ضروري وكده
طبعا روحت وعرض علي اشتغل شيف كبير وامارس هوايتي براحتي
طبعا في مكان مشهور الكل عارفه
جوانتانمو
علي كل حال يالا نبدأ الطبخ ونشوف يوميات جديده لصافيولا و اول حاجه وسائل الامن والامان
ادوات الامن والامان
1- قناع واقي من النوع الصلب
2- انبوبه اوكسجين للطواريء ( اللي دايما بتحصل )
3- صديري من الصلب الخالص
4- قفاز من الحديد المجلفن
5- موبايل ومشحون ياريت للاتصال بالاسعاف او المطافيء عند اللزوم ولو غلبتي صوتي وريحي نفسك
المقادير :
- 1 كجم جمبري متوسط الحجم مقشر
(( او مش مقشر مابقتش فارقه المعده خدت علي كل حاجه هاتيجي علي القشر ده كله فوسفور وكالسيوم وجيبسومبورد
وزي مانتو عارفين هو موضه اليومين دول ))
معلومه تهمك
(( اصل كلمه جمبري جامب وجري والمفهوم واضح ومش محتاج تعليق ))
- 2 كرفس عود مقطع شرائح
(( والعود يااااااااه زمان علي ايامه فاكرين الطرب الاصيل وفريد الاطرش اهو من يوم ماداق من ايدي طبق الملوخيه
خد اللقب ))
- 1 حبة فلفل أحمر كبيرة
(( حمره وكبيره وفيها بذر اسود تبقي ايه اللي هايجاوب هاديله بطيخه ))
- 1 حبة بصلة متوسطة
(( والبصل ده مفيد جدا خصوصا لما تكوني عاوزه تتمسكني علي جوزك وتبيني انك مقهوره وبتعيطي ))
- 2 فص ثوم مدقوق
(( وخلال وانتي بتدقي ركزي احسن لحظات الساديه تتملكك وتعيشي الدور اصل الحاجات دي في ايديكم خطره شويه
الشبشب وايد الهون والحاجات دي الله يستر عليك انتي وهي ))
معلومه تهمك
(( سيدتي الثوم مفيد جدا في حالات الطلاق ده كفايه ريحته ))
- 1 ملعقة كبيرة صلصة طماطم
(( ولو مافيش صلصله طماطم خليها صلصه قلقاس ))
- 1 ملعقة كبيرة زبد
(( وطبعا حسب سعرها في السوق لو رخيصه اغرفي ولايهمك لو غاليه ماتجيبيش سيره لجوزك ان الطبخه دي محتاجه زبده ))
- 1 ملعقة كبيرة زيت زيتون
(( وكلنا عارفين فوايد زيت الزيتون طبعا وياما جوزك صحي مفزوع وقالك الريحه دي جايه منين طبعا ماتخافيش مش هاجيب
سيره ولا ابين ان زيت الزيتون مفيد للشعر تحسبا ان اي زوج منهم يعدي يقرا الملحوظه دي ويفهم السر ))
- ملح و فلفل
(( ودول لازم منهم في كل اكله امال الاسهال هايجي ازاي بقي ))
يالا بقي نشوف طريقه التحضير
معلومه تهمك
(( اللي حابه تخس وتعمل ريجيم تفضل وقت اطول كل مره في المطبخ وان شاء الله هاتوصل للحجم المناسب لان
التاثيرات الفسيولوجيه الي بتحصل اثناء الطبخ كتيره ومعقده ودي الخلاصه ))
طريقة التحضير:
1. تقطع البصلة إلى 6 أقسام بالطول و يقطع الفلفل الأحمر إلى عيدان.
(( شوفتي الفن والهندسه اقسام وشرايح وعيدان الليله فل من اولها ))
2. يسخن الزيت في طاسه كبيرة ، يضاف الزبد والبصل والكرفس و يقلب حتى يصفرالبصل.
(( وعلشان تعرفي ان الزيت سخن ولا لا حطي صباعك في الطاسه واستني دقيقتين لو شوفتي صباعك
بقي لونه وشكله زي تسلخات البيبي بتاعك من كتر اللي بالي بالك يبقي تمام سخن وزي الفل ولو عدت
دقيقتين من غير مايحصل كده يبقي العيب في الزيت ))
3. يضاف الفلفل الأحمر والثوم والجمبري ويقلب الجميع حتى يتحول الجمبري الى اللون البرتقالي.
(( برتقالي واصفر انا مدلعكم اوي النهارده وجوزك هايحس انه قدام لوحه فنيه اكيد ))
4. يضاف صلصة الطماطم و 2 ملعقة كبيرة ماء و الملح والفلفل و يترك لمدة ثلاث دقائق أخرى ، يقدم ساخناً.
(( وقبل ماحد ياكل لمي عيالك حواليكي وعلميهم ازاي ينطقو الشهاده طبعا جوزك سيبيه وحسب عمله ربنا هايجازيه ))
منقول
حبوبة- مشرفة
- البلد : مصر - دمياط الجديدة
عدد المساهمات : 263
تاريخ التسجيل : 29/03/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد يوليو 23, 2017 8:05 am من طرف حب العمر
» الخصية المعلقة
السبت يوليو 16, 2016 1:18 am من طرف حب العمر
» طريقة عمل دبابيس الدجاج أو ارجل الدجاج
الأحد فبراير 21, 2016 6:37 pm من طرف حب العمر
» طريقة تزيين الكيك
السبت مايو 09, 2015 5:47 am من طرف عاشقة زوجها
» هل تعلم أنك تستطيع كسب 50 حسنه مع كل شربة ماء ،!!!!!
السبت مايو 09, 2015 5:40 am من طرف عاشقة زوجها
» ممكن لحظة ؟؟؟؟عندك كنز فى المطبخ!!!!!
الخميس مايو 08, 2014 7:11 am من طرف حب العمر
» فوائد الدوره الشهريه(للبنات فقط)
الخميس مارس 20, 2014 8:48 pm من طرف عاشقة زوجها
» كتاب المواصفات القياسية لحمام الغزار المصرى
الخميس أغسطس 15, 2013 2:43 pm من طرف حب العمر
» فطيرة الجبنة المشوية بالصورة، مذاق عالمى للفطائر اللذيذة
الخميس يوليو 25, 2013 5:48 pm من طرف عاشقة زوجها