بحـث
مواضيع مماثلة
المواضيع الأخيرة
مايو 2024
الإثنين | الثلاثاء | الأربعاء | الخميس | الجمعة | السبت | الأحد |
---|---|---|---|---|---|---|
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |
قطايف باللوز, القطايف قطايفي :
صفحة 1 من اصل 1
قطايف باللوز, القطايف قطايفي :
بســم الله الـرحمــن الرحيــم
[ندعوك للتسجيل في المنتدى أو التعريف بنفسك لمعاينة هذه الصورة]
المكونات :
كوب و نص دقيق ابيض منخول
نصف ملعقة كبيرة خميرة
ملعقة صغيرة سكر عادي
2 ملعقة كبيرة زيت
ملعقة كبيرة حليب بودرة
رشة ملح صغننة و رشة فانيليا صغيرة و رشة جوزة الطيب صغيرة
كوب و ثلاث ارباع ماء دافي
نص كوب لوز مقشر + نص ملعقة صغيرة قرفة بودرة
1ملعقة صغيرة سكر عادي + رشة ملح صغيرة و فانيليا
الشربات :
كوب و نص سكر + كوب و ربع مية + ملعقة صغيرة عصير ليمون
2 ملعقة كبيرة زبدة لوربك سايحة
للقلي :
نص كوب سمنة حلويات و كوب زيت قلي
الطريقة :
* نضع
كل المكونات في وعاء عميق و نقلبها و نعمل حفرة في النص و بخفاقة يدوية
نضيف كوباية مية في النص و نخلط شوية شوية من النص لبرة و أما الدقيق يبداً
يتخلط في المية كويس هنضيف بقيت المية المطلوبة و نخلط العجينة لمدة دقيقة
بسرعة .
* نغطي عجينة القطايف بغطى حلة او كيس نايلون او طبق و نتركها ربع ساعة علشان تخمر في مكان دافي
المكان الدافي ممكن يكون (تقدر تسخن عين البوتجاز دقيقتين بس يسخن شوية و تطفي النار و تحط فوقيها وعاء العجين) أو ( تشغل الفرن شوية صغنين بردو لغايت ما تحسه من جوة دافي و تطفي الفرن و دخل وعاء العجين ) أو ( نجيب فوطة تغطي الوعاء كله بعد ما غطينها بس نبلها بمية سخنة اوي و نعصرها كويس و نرجع نغطي بيها الوعاء) لازم يكون في دفى لأي عجين خميرة
* نحمص اللوز شوية على النار بعد كدا نضيف شوية زيت نحمر بيهم اللوز
تحميص اللوز في الاول بيشيل أي رطوبة فيه و بيبقى تحميره ألذ و أطيب بالشكل دا
[ندعوك للتسجيل في المنتدى أو التعريف بنفسك لمعاينة هذه الصورة]
* بعد
كدا بنشفو كويس جداً من الزيت الي فيه و نطحنة بشكل متقطع و بيبقى مبروش و
نضيف علية رشة الملح و ملعقة السكر و القرفة و نقلبهم بالشكل دا
[ندعوك للتسجيل في المنتدى أو التعريف بنفسك لمعاينة هذه الصورة]
* هنحضر الشربات بإننا نحط السكر و المية في كسرولة و على النار و نقلبهم كل شوية لغايت ما يغلو سعتها هنضيف
الليمون و نسيبهم يغلو 5 دقايق بعدها هنطفي النار و نحطهم على جنب
* هنروح نبص للعجينة هنلاقيها منتفخة جداً هنهبطها و نقلبها شوية و نرجع نغطيها و نسيبها دقيقتين علشان
نستخدمها
* هنسخن طاسة تكون مستوية ملهاش تعرجات او في سخان المطبخ الكهربائي بالشكل دا
[ندعوك للتسجيل في المنتدى أو التعريف بنفسك لمعاينة هذه الصورة]
* هناخد
حاجة من المطبخ تكون مقاس لدوائر القطايف مثلاً ملعقة كبيرة للحجم الصغير
الي يخص الضيافة أو فنجان
القهوة بعد ما تسخن الطاسة او السخان هنضيف مقدار
دواير القطايف و تكون بعيد عن بعض زي ما شوفتو في
الصورة و هنحاول نفردها
بالملعقة الي حطينا فيها شوية و نواسيها بمعنى اصح
أول ما وش دواير القطايف يجمد هنشيلها من على النار و نحطها في صينية مفروشة بفوطة مطبخ نضيفة ( خاصة
بالاكل ) و نعمل الكمية لغايت ما تخلص مع الحرس النار ما تكونش قوية و هتبقى بالشكل دا
[ندعوك للتسجيل في المنتدى أو التعريف بنفسك لمعاينة هذه الصورة]
* هناخد
دواير القطايف و نحط في نصها ملعقة لوز مبروش و ناخد بالنا اللوز ما يجيش
على لاطراف و نحط
الاطراف على بعض و نقفلها كويس بالضغط على الاطراف من طرف
الاصابع
و هتبقى بالشكل دا
[ندعوك للتسجيل في المنتدى أو التعريف بنفسك لمعاينة هذه الصورة]
* هنجيب
حلة وسط او صغيرة و نحط فيها السمنة و الزيت و نرفعهم على النار لغايت ما
يسخنو بعدها هنقلي حبات
القطايف للون الي بيفضلوهـ في البيت يعني اما ذهبي
اشقر او بني متحمرة
اول ما تتحمر نصفيها من الزيت كويس و نسقطها في الشربات و نخرجها بسرعة علشان ما تشربش شربات كتير
و نعمل كل الكمية بالطريقة دي لغايت ماتخلص الكمية و ماتكونش النار حامي اوي
*
بعد ما نخلص القلي و الشربات هناخد القطايف من الطبق و نحطها في سلطانية
او حلة و نسقيها بالزبدة السايحة و
نقلبها بدون معلقة علشان تاخد الطعم الي
على أصوله و نرجع نرصها في طبق التقديم و هتبقى بالشكل النهائي دا
[ندعوك للتسجيل في المنتدى أو التعريف بنفسك لمعاينة هذه الصورة]
طبعا عندي في البيت بيحبو الحلويات المقلية تكون محمرة
بتبقى مقرمشة شوية من برة و طرية من جوة و بيبقى الطعم حدوتة لآخر فتفوتة
أنتم ممكن تقلوها لدرجة اللون الي بتحبه
اتمنى تكون الطريقة واضحة و سهلة و عاجبتكم علشان تجربوها
--------------------
(( اتقي الله يجعل لك مخرجاً ))
فطومة- عضوة نشيطة
- البلد : مصر
عدد المساهمات : 96
تاريخ التسجيل : 19/03/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد يوليو 23, 2017 8:05 am من طرف حب العمر
» الخصية المعلقة
السبت يوليو 16, 2016 1:18 am من طرف حب العمر
» طريقة عمل دبابيس الدجاج أو ارجل الدجاج
الأحد فبراير 21, 2016 6:37 pm من طرف حب العمر
» طريقة تزيين الكيك
السبت مايو 09, 2015 5:47 am من طرف عاشقة زوجها
» هل تعلم أنك تستطيع كسب 50 حسنه مع كل شربة ماء ،!!!!!
السبت مايو 09, 2015 5:40 am من طرف عاشقة زوجها
» ممكن لحظة ؟؟؟؟عندك كنز فى المطبخ!!!!!
الخميس مايو 08, 2014 7:11 am من طرف حب العمر
» فوائد الدوره الشهريه(للبنات فقط)
الخميس مارس 20, 2014 8:48 pm من طرف عاشقة زوجها
» كتاب المواصفات القياسية لحمام الغزار المصرى
الخميس أغسطس 15, 2013 2:43 pm من طرف حب العمر
» فطيرة الجبنة المشوية بالصورة، مذاق عالمى للفطائر اللذيذة
الخميس يوليو 25, 2013 5:48 pm من طرف عاشقة زوجها