سمك - رز الجمبري - بقلاوة

سمك - رز الجمبري - بقلاوة

السلام عليكم ورحمة الله وبركاته
بقالي فترة نفسي انزل الموضوع دا
الفضل في الاكلة الجميلة دي جارتي المصرية وهي اهدتني الاسبوع اللي فات وجبة غداء كاملة بالحلو بتاعها وانا برضه بذلت مجهود كبير جدا في اكلها
القائمة تتضمن سمك ورز بالجمبري والحلو طبعا بقلاوة بطريقة جديدة جميلة وخفيفة وسريعة جدا

السمك
المكونات:
شرائح سمك فيليه - المستخدم هنا كان بلطي
كرفس مقطع
فلفل رومي شرائح
بصل شرائح
طماطم شرائح
جزر شرائح
زبدة
الطريقة :
نسيح الزبدة على النار فقط بدون تسخينها ونقلب فيها السمك من الناحيتين مع رشة ملح وفلفل وكمون
نضع شرائح السمك في صينية

نشوح الكرفس والفلفل الرومي والبصل والجزر في الزبدة مع رشة ملح وفلفل اسود
نوزع الخلطة فوق السمك ثم نرص شرائح الطماطم فوقها وندخلها الفرن حتى تنضج

الرز:
الفرق بين الرز دا ورز السمك الاصلي اننا مش بنحمر البصلة لغاية لما تغمق
بس تشويحة بسيطة في زبدة مش زيت وبعدها نحط الرز ونكمل سواه

الجمبري:
المكونات:
جمبري صغير
كرفس مقطع
فلفل مقطع
بصل مقطع وليس مبشور
جزر مقطع مكعبات
طماطم مكعبات

نشوح الكرفس والفلفل والبصل والجزر في زبدة ومعاهم فلفل وملح وبعدها نضيف الجمبري وطبعا الجمبري بيستوي بسرعة ثم نضيف مكعبات الطماطم

طريقة التقديم
في سلطانية نغرف شوية جمبري مع خلطة الخضار ونضع فوقهم الرز ثم نقلبه ويقدم مع السمك طبعا


البقلاوة :
المكونات:
ورقة جلاش كاملة
نصف كوب زبدة
كوب سكر
خمس بيضات
جوز هند
مكسرات
فانيليا

الطريقة :
ندهن الصينية زبدة كويس جدا
بناخد ورقة واحدة ونكورها على بعضها بحيث تبقى عاملة زي الوردة تقريبا او بالبلدي يعني نكرمشها ونكورها
نرص كل الكرات في الصينية
نحطها في الفرن لغاية لما تحمر وتقرمش
ولما تطلع نكون محضرين خلطة مكونة من الزبدة مضروبة مع السكر والبيض وجوز الهند والفانيليا في الخلاط كويس
بنوزع الخلطة على وش الجلاش ونرش بعد كده المكسرات فوق الوش ونحطها في الفرن شوية لغاية لما الخلطة تجمد

ألف هنا وشفا