حشوات مختلفه للسامبوسك ادخلى متتردديش

1 السمبوسك بحشوة البيض والشبت والكريمه

مقدار من عجينة السمبوسه وفي اخوات كتير كاتبين طريقتها
بيض مسلوق ومهروس
بصل اخضر مقطع بدون الورق بتاعه يعني الراس بس
شوية شبت مفري
فلفل اسود ومسطرده بودره او معجون
واحدة طماطم مقطعه صغير
كوب كريمه فريش ممكن تحطي بدلها لبن رايب
ملح
اخلطي كل ده مع بعضه واحشي السمبوسه واقليها
2 السمبوسه بالخضروات المشكله المتبله
عجينه السمبوسه
بصل اخضر مقطع مع الورق بتاعه
كوب كرنب مقطع رفيع اوي
كوب جزر مقطع رفيع اوي
نص كوب فلفل اخضر برده مقطع صغير
مشروم مقطع وممكن تستغني عنه
3 فصوص ثوم مقطعه رفيع
فلفل اسود وشوية قرفه وشطه او فلفل حامي مقطع
2 معلقة زيت كبيره
نسخن الزيت ونقلي التوم والفلفل الحامي والبصل الاخضر على نار عاليه لمدة دقيقه بس وبعدين حطي باقي الخضار وقلبي دقيقتين بس نضيف التوابل والملح
وسيبي الحشوه تبرد وبعدين احشي بيها السمبوسه واقليها


3حشوة الحمص
مقدار من عجينه السمبوسه
كوب حمص الشام مسلوق كويس ومهروس في الكبه
1 طماطم مقطعه رفيع اوي
بصله مقطعه صغير جدا
فصين ثوم مفروم
قطعة زنجبيل اخضر مقطعه صغير او ملعقه زنجبيل جاف
معلقه صغيره كاري
شوية نعناع ناشف
كسبره خضراء مفرومه
معلقتين زيت
نسخن الزيت ونشوح البصل والثوم والزنجبيل وبعدين نحط عليه الحمص والكاري لمده دقيقتين وبعدها حطي الطماطم وقلبي لحد ما الزيت ينشف
اطفي النار وحطي الكسبره و النعناع وقلبي وسيبيها تبرد واحشي بيها

حشوة الفراخ المفرومه مع الفلفل
مقدار من عجينة السمبوسه
فراخ مفرومه (نيه)
فلفل رومي مقطع صغير
بصله مقطعه صغير
1 طماطم مقطعه صغير
فصين ثوم
معلقه صغيره كاري
كسبره مفرومه
نص ليمونه معصوره
3 ملاعق زيت

نسخن الزيت ونشوح البصله لحد ما تبقى دهبي وبعدين نحط الثوم والطماطمونقلب دقيقتين وبعدها نحط الفراخ والكاري والملح ونسيبها لحد ما تستوي ونحط الفلفل الاخضر ونعلي النار لحد ما مايتها تنشف ونطفي عليها ولما تبرد نحط الكسبره واليمون واحشي بيها