ليالي لبنان .. حلو .. سهل

ليالي لبنان .. حلو .. سهل

بسم الله الرحمن الرحيم
أحبائي الأعزاء ..
السلام عليكم و رحمة الله و بركاته ..
الحلو دة أنا جربته .. و هو له اختيارات كتير في تنفيذه .. و دة نوع من التغيير برضه
الوصفة دي تكفي 4 اطباق صغيرة .

المقادير :
نصف كوب من السميد الناعم ( دقيق بسبوسة ناعم )
2 كوب حليب
2 بيضة
كوب من السكر ( ممكن نضع نصف كوب فقط او اقل او ممكن مايكونش في سكر و نحليها بالشيرة ) أنا بافضل السكر
كوب قشطة أو كريمة لباني ( القشطة أفضل في رأيي لكن الكريمة اللباني جميلة )
رشتين فانيليا
ملعقة كبيرة من ماء الورد ( اختياري و الكمية حسب الذوق )

للزينة :
عدة اختيارات ..
كريمة خفق ( دريم ويب ) مع احدى الاضافات التالية
فواكه مسكرة أو فواكه معلبة أو فواكه طازجة أو مكسرات .. أي حاجة في البيت

الطريقة :
نضع الحليب على النار حتى يسخن ( يسخن مش يغلي - يعني قبل مرحلة الغليان)

في هذه الاثناء نضرب البيضتين مع مقدار السكر و الفانيليا او لوحدهم في حالة استعمال الشيرة فيما بعد .

نضيف له السميد مع التحريك المستمر على نار هادئة حتى الغليان .. و هنلاقي ان قوام المزيج بقى ثقيل .

اول مانصل لمرحلة الغليان لخليط .. نرفعه من على النار .. و نضيف خليط البيض و السكر و الفانيليا و نقلب بسرعة و نعيده على النار الهادئة مع التقليب المستمر حتى يثقل القوام .. ( التقليب بمضرب يدوي ) .

بعد مايثقل القوام و يبدأ في انه يجمد شوية .. نرفعه من على النار و نخلطه بالقشطة أو الكريمة اللباني مع اضافة ماء الورد في حالة اختيار اضافته .

يوضع المقدار في أطباق صغيرة .. ثم يترك في الثلاجة لمدة ساعتين تقريباً ..

قبل التقديم ..
يزين وجه الطبق بكريمة الخفق مع نثر المكسرات او قطع الفاكهة او رشة من جوز الهند و القرفة أو الكاكاو ..
اللي يختار الشيرة .. يبقى يضعها على الخليط بعد خروجه من الثلاجة ثم يستخدم الكريمة ..

ملحوظة :
الكريمة مهمة لاضفاء الطعم على الخليط .. بيبقى طعمه ناعم و روعة )

و بس كدة
انا عارفة ان الجو شتاء .. بس انا مؤمنة ان الحاجات الحلوة بتدري طاقة للجسم و بتدفيه ...

و نلتقي في طبق تاني بقى ..